प्रधानन्यायाधीश खिलराज रेग्मीको नेतृत्वमा गठन भएको अन्तरिम चुनावी परिषद्को विरोधमा नेकपा–माओवादी लगायत ३४ दलले विरोध सभाको आयोजना गरे । राजधानीको नयाँ बानेश्वर स्थित विघठित संविधानसभाको भवन अगाडि अयोजना गरिएको विरोध सभामा नेकपा–माओवादीका सचिव देव गुरुङले सम्बोधन गर्दै विदेशीको इशारामा खिलराजको नेतृत्वमा चुनावी परिषद् गठन भएको अरोप लगाए । विरोध सभालाई सम्बोधन गर्दै नेता परी थापाले शीर्ष नेताले प्रधानन्यायाधीशलाई परिषद्को अध्यक्ष बनाएर देशलाई बन्धक बनाएको अरोप लगाउँदै मुलुकलाई ट्वाइलेटबाट झिकेर नालीमा लाउँने काम गरेको व्यङग्य कसे । संघीय लिम्बुवान राज्य परिषद् सहित विभिन्न साना ३४ दलका नेताले विरोध सभालाई सम्बोधन गरे । फोटो र भिडियो : लुइटेल दिनेश