टेलिभिजनको माध्ययमबाट सञ्चार क्षेत्रमा योगदान पुर्याएका दुई दर्जन  बढी पत्रकार तथा कलाकार टोफन अवार्ड मार्फत सम्मानित भएका छन् । टेलिभिजन कलाकर्मी मञ्च नेपालको वार्षिक उत्सवको अवसरमा वितरण हुँदै आएको टोफन अवार्डमा एबीसी टेलिभिजनको अपराध न्यूनिकरणसम्बन्धी कार्यक्रम डायल हन्ड्रेडलाई सर्वोत्कृष्ट भयो । कार्यक्रम हण्ड्रेडका कार्यक्रम निर्देशक एवम् प्रस्तोता डण्ड गुरुङलाई अवार्ड प्रदान गरियो । साथै कार्यक्रममा सगरमाथा टेलिभिजनको कार्यक्रम फरक विश्वका निर्देशक, प्रस्तोस्ता  गणेशमान गुरुङ, माउन्टेन टेलिभिजनको मिसन न्यूज र आधा आकाश, नेपाल टेलिभिजनको हाम्रा कुरा, चलचित्रसम्बन्धी कार्यक्रम रजतपट, क्ल्याब बोर्ड, एभेन्यूज टेलिभिजनको खबरभित्रको खबरले  अवार्ड प्राप्त गरे। उत्कृष्ट कार्यक्रम प्रस्तोतामा प्रेम बानियाँ, उत्कृष्ट समाचारवाचकमा विजय पौडेलले बाजी मारे । उत्कृष्ट जनसहभागितामूलक कार्यक्रममा साझा सवाल र उत्कृष्ट टक शोमा फायर साइड छानिएका छन् । कार्यक्रममा टेलिचलचित्रको क्षेत्रमा योगदान पुर्याएका पाँच जना  सम्मानित भए । यसरी सम्मानित हुनेमा वरिष्ठ सञ्चारकर्मी दुर्गानाथ शर्मा, वरिष्ठ निर्देशक तथा कलाकार कृष्ण मल्ल, वरिष्ठ छायाकार जयसिंह शाह, वरिष्ठ पत्रकार पुष्करलाल श्रेष्ठ र वरिष्ठ अभिनेत्री मिथिला शर्मा रहेका छन् । त्यस्तै हास्य टेलिश्रङ्खला तीतो सत्य, जिरे खुर्सानी, मेरी बास्सै, हर्के हवल्दार र नेपाल भाषाको समएबजीलाई प्रोत्साहन पुरस्कार प्रदान गरियो । फोटो र भिडियो : दिपेश राजथारु